Official Handout along with Pictures : Information Directorate , Sargodha Division, Government of Punjab . 24 September 2025. See on the website, bhera.org, under the category, “Miscellaneous.” The link is given below :
دفتر ڈائریکٹر انفارمیشن حکومت پنجاب سرگودہا ڈویژن
ہینڈ آؤٹ
سرگودہا (23 ستمبر 2025) وزیر مملکت برائے صحت ڈاکٹر ملک مختار احمد بھرتھ اور وزیر قانون پنجاب ملک صہیب احمد بھرتھ کی ذاتی دلچسپی سے حکومت پنجاب نے بھیرہ کے تاریخی ورثہ اور اثاثہ جات کو محفوظ بنانے اور سیاحت کے فروغ کے لیے اسکیم کی منظوری دے دی ہے، جس کے فنڈز بھی جاری کر دیے گئے ہیں۔ اس ضمن میں کمشنر سرگودہا ڈویژن جہانزیب اعوان کی زیر صدارت اسسٹنٹ کمشنر بھیرہ کے دفتر میں ایک اہم بریفنگ اجلاس منعقد ہوا۔ اجلاس میں ڈائریکٹر جنرل آرکیالوجی ملک ظہیر، نجم الثاقب اور ان کی ٹیم، ڈائریکٹر ڈویلپمنٹ بلال حسن، ڈپٹی ڈائریکٹر ٹیکنیکل رانا شاہد عمران اور اسسٹنٹ کمشنر بھیرہ عنشاء طاہر نے شرکت کی۔ بریفنگ میں بتایا گیا کہ مجوزہ منصوبے کے تحت بھیرہ کے پرانے شہر کی تاریخی عمارتوں، باولی والا مندر، ریلوے اسٹیشن اور قدیم دروازوں کو اصل حالت میں بحال کر کے محفوظ بنایا جائے گا تاکہ یہ مقامات عالمی سطح پر سیاحتی مراکز کے طور پر اجاگر ہو سکیں۔اجلاس میں منصوبے کی بروقت تکمیل اور مانیٹرنگ کے لیے کمیٹی تشکیل دینے پر بھی اتفاق کیا گیا اور فیصلہ کیا گیا کہ چار ہفتوں میں اس اہم پراجیکٹ پر عملی کام شروع کر دیا جائے گا۔ بعد ازاں کمشنر سرگودہا اور ڈی جی آرکیالوجی نے مجوزہ سائٹس کا دورہ کیا اور تاریخی و ثقافتی ورثے کا جائزہ لیا۔اس موقع پر کمشنر سرگودہا جہانزیب اعوان نے میڈیا سے بات چیت کرتے ہوئے کہا کہ بھیرہ برصغیر کے قدیم ترین شہروں میں شمار ہوتا ہے۔ یہاں کی عمارتیں اور آثار ماضی کا قیمتی سرمایہ ہیں جن کی بحالی سے نہ صرف ثقافتی سیاحت کو فروغ ملے گا بلکہ مقامی معیشت میں بھی بہتری آئے گی۔ انہوں نے کہا کہ منصوبے کی تکمیل سے روزگار کے نئے مواقع پیدا ہوں گے اور بھیرہ ایک مثالی سیاحتی مقام کے طور پر ابھرے گا۔ کمشنر نے زور دیا کہ اس منصوبے میں مقامی کمیونٹی کو اعتماد میں لیا جائے تاکہ وہ اس کے اصل شراکت دار بن سکیں۔ ڈی جی آرکیالوجی ملک ظہیر نے کہا کہ محکمہ آرکیالوجی اپنی تمام تکنیکی صلاحیتیں اور وسائل بروئے کار لا کر اس منصوبے کو قومی سطح کا ماڈل پراجیکٹ بنائے گا۔ انہوں نے امید ظاہر کی کہ بھیرہ کا یہ منصوبہ سیاحت اور ثقافت کے شعبے میں سنگ میل ثابت ہوگا۔
https://www.facebook.com/chaudhary.akram.9/videos/675195302295566/?rdid=QieaP8sT7FBg1PaN#
Its shameful that the British Government laid down the railway track, turn around table a complete working Railway Station from Malak Wal to Bhera, The population of Bhera has tripled since then, and such a functional Railway Station is going to be a heritage museum.
Live nations expand their tracks and such facilities but our system is shrinking sadly.
Restoring Gates of Bhera and the circular wall is good initiative, but will this happen practically, Allah knows
Please pray and hope for the best for Bhera. Even a Bhera Raiiway Heritage Museum will be a achivement . Will be a great tourists attraction.